Թուրքիայի Սեւծովյան շրջանում գտնվող Օրդու քաղաքում գտնվող պատմական հայկական եւ հունական տների վերանորոգման աշխատանքներն առանց դադարի շարունակվում են։
Թուրքական IHA լրատվական գործակալության փոխանցմամբ՝ Օրդուի նահանգապետ Օրհան Դուզգյունը նշել է թե մշակույթի եւ բնական հարստությունների պահպանման խորհուրդի հավանությամբ իրականացվող աշխատանքների ընթացքում խիստ ուշադրություն է դարձվում, որ վերականգնվող տները կրեն հին տեսքն ու ճարտարապետական առանձնհատկությունները։
«Շենքերի վերականգնման հետ միաժամանակ իրականացվում է ճանապարհների բարեկարգում։ Ճանապարհները եւս նախկինի պես կլինեն սալիկներով։ Մենեքշեի փողոցում այդ աշխատանքներն արդեն ավարտվել են եւ դրանք տեղափոխվել են Սըթքըջանի պողոտա»-նշել է նահանգապետը։
Մինչեւ հոկտեմբերի 15-ը կավարտվի 13 պատմական տների վերականգնումը եւ հաջորդ փուլի համար տենդեր կհայտարարվի եւ կիրականավի եւս 15 պատմական տների վերականգնում։
