Հայաստանի նախագահ Սերժ Սարգսյանը մեկնել է Լեռնային Ղարաբաղի Հանրապետություն` մասնակցելու ԼՂՀ նախագահի երդմնակալության արարողությանը, որը կկայանա այսօր` սեպտեմբերի 7-ին: Այդ մասին NEWS.am-ին հայտնեցին Հայաստանի նախագահի մամուլի ծառայությունից:
Ինչպես հաղորդել էր NEWS.am-ը, Լեռնային Ղարաբաղի Հանրապետության նախագահ Բակո Սահակյանի երդմնակալության արարողությունը տեղի կունենա Ստեփանակերտի Մշակույթի եւ երիտասարդության տան մեծ դահլիճում:
Խորհրդարանի խոսնակի որոշմամբ սեպտեմբերի 7-ին կկայանա ԼՂՀ Ազգային ժողովի հատուկ նիստ, որը նվիրված կլինի Լեռնային Ղարաբաղի Հանրապետության նախագահի պաշտոնն ստանձնելուն: Խորհրդարանի հատուկ նիստից հետո Ստեփանակերտի Վերածննդի հրապարակում ԼՂՀ Պաշտպանության բանակը ռազմական հանդիսավոր շքերթ կանցկացնի` նվիրված նախագահի երդմնակալությանը:
