Սեպտեմբերի 10-ը Առողջապահության համաշխարհային կազմակերպության կողմից ճանաչվել է որպես ինքնասպանությունների կանխարգելման միջազգային օր: Համաշխարհային տնտեսության անկայունության ֆոնին հոգեբանները մտահոգված են անձնական ֆինանսական ճգնաժամի հողի վրա ավելացող ինքնասպանությունների հարցով:
Մասնագետները չեն բացառում ֆինանսական ինքնասպանությունների համաշխարահային ալիքի վտանգ: Ամեն ինչ կախված է ֆինանսական ճգնաժամի ծավալից եւ առանձին անհատի դեպքում` առկա խնդիրների ընկալումից, նշում է «ՌԻԱ Նովոստին»:
Ինքնասպանությունների ճանապարհով մահացածությունների թիվը մեծ խնդիր է ողջ աշխարհի համար: ԱՀԿ-ի տվյալներով, ամեն 40 վայրկյանը մեկ մոլորակի վրա ինչ որ մեկը ինքնասպան է լինում: Ամեն տարի ինքնասպանության ճանապարհով մահանում է 900 հազար մարդ:
Հոգեբանները պնդում են, որ որքան էլ որ դժվար լինեն ֆինանսական խնդիրները, դրանք ինքնասպանության իրական պատճառը չեն հանդիսանում, այլ միայն առիթ են դառնում ընկճախտային խանգարումների եւ նմանատիպ այլ հիվանդությունների ֆոնին:
Մարդկանց ինքնասպանության են դրդում հոգեկան անհաղթահարելի տառապանքները, որի միակ ելքն է դառնում ինքն իրեն գիտակցությունից զրկելը: Մարդը ոչ թե մահ է ցանկանում, այլ` ցավից ազատում: Այունահնդերձ, ոչ բոլորն են խնդիրներ ունենալու դեպքում ինքնասպանութուն գործում: Ինքնասպանության վտանգը առաջանում է այն դեպքում, երբ կենսական աղետը դիպչում է առավել խոցելի մարդկանց: Առավել ռիսկային խմբում են գտնվում այսպես կոչված «սպիտակ օձիքավորները», ովքեր կարեւորում են իրենց վարկանիշը եւ կարգավիճակը, եւ բիզնեսմենները: Խոցելի խմբի մեջ են մտնում նաեւ անապահով խավը, ովքեր ճգնաժամի ֆոնին տառապում են հոգեկան խանգարումներից: Նման մարդիկ սովոր են հույս դնել միայն սեփական ուժերի վրա:
