«Apple» ընկերությունը սեպտեմբերի 12 –ին Սան Ֆրանցիսկոյում ներկայացրել է «iPhone 5» սմարթֆոնը: Ընկերության փոխնախագահ Ֆիլ Շիլերի խոսքով` սարքը «ամբողջությամբ պատրաստված է ապակուց եւ ալյումինից»: Այն ավելի բարակ եւ թեթեւ է, քան իր նախորդները: Սարքը 7,6 մմ է եւ կշռում է 112 գրամ:
«iPhone 5»-ում օգտագործվում է «Retina» էկրան` չորս դյույմ անկյունագծով, ինչի հաշվին սմարթֆոնն ավելի «բարձր» է թվում, քան «iPhone 4S»-ը: Ի տարբերություն «iPhone 4S»-ի, նորույթը կարող է միանալ LTE ցանցին, սակայն ցուցակում ոչ մի ռուսաստանայն օպերատոր չկա:
ԱՄՆ-ում սմարթֆոնի գինը, օպերատորային կոնտակտով, կազմում է 199 դոլար` 16 Գգբ հիշողություն ունեցող մոդելի, 299 դոլար` 32 Գգբ հիշողության մոդելի եւ 399դոլար` 64 Գգբ հիշողության մոդելի դեպքում: «Apple» հայտարարել է, թե դադարեցնում է 2009թ. արտադրված «iPhone 3GS» մոդելի վաճառքը եւ նվազեցնում «iPhone 4» եւ «iPhone 4S»-ի գները: