50 մարդ է մահացել սեպտեմբերի 14-ին Աֆղանստանի Գազնի մարզում տեղի ունեցած վթարի հետեւանքով:
Ինչպես հաղորդում է նահանգապետի մամուլի քարտուղար Զարավար Զախիդը, Աբ-Բանդ շրջանում ավտոբուսը բախվել է բենզատարին, ինչի արդյունքում հրդեհ է բռնկվել: Ավտոբուսի ուղեւորները կենդանի այրվել են:
«Տոլո» հեռուստաընկերության տվյալներով, ուղեւորներից 6-ին հաջողվել է դուրս պրծնել այրվող ավտոբուսից, նրանց հիվանդանոց են տեղափոխել, փոխանցում է ՌԻԱ Նովոստին:
Ճանապարհային ոստիկանության նախնական տվյալներով , վթարի պատճառ է դարձել արագության գերազանցումը: