Մոսկվայում ադրբեջանցի են սպանել` մեջքին մետաղական նետ խրելով: Մեր օրերի համար այսպիսի տարօրինակ սպանությունը տեղի է ունեցել ՌԴ մայրաքաղաքի արեւելքում գտնվող անտառում:
Ինչպես հայտնել են «Ինտերֆաքսին», սեպտեմբերի 13-ին ժամը մոտ 0:30-ի սահմաններում ավտոբուսի կանգառից 50 մետր հեռավորության վրա` անտառային գոտում հայտնաբերել են Ադրբեջանի 29-ամյա քաղաքացու մարմինը: Ստուգման արդյունքում պարզվել է, որ տղամարդը, ով 8 տարի շարունակ, առանց գրանցման բնակվել է Մոսկվայում, սպանվել է մոտավորապես սեպտեմբերի 11-ի գիշերը:
Մարդասպանը չի վերցրել բջջային երկու հեռախոսները եւ գումարը, որը այդ պահին եղել է մահացածի մոտ: Սպանության դեպքով քրեական գործ է հարուցվել: Քրեագետները ուսումնասիրում են 1 մ երկարություն եւ 5 մմ տրամագիծ ունեցող նետը, որը դուրս է բերվել մահացածի մարմնից:
