Միացյալ թագավորության խորհրդարանում Շոտլանդիայի, Հյուսիսային Իռլանդիայի պատգամավորների մեծամասնությունը ճանաչել է Հայոց ցեղասպանությունը։ Այս մասին հայտնում է ֆրանսահայերի Nouvelle d'Armenie պարբերականը։
Թերթը գրում է, որ Ուելսի հայկական Armenia Solidarity կազմակերպության եւ նրան աջակցող Nor Seount ասոցիացիայի ջանքերով վարչապետ Գորդոն Բրաունի վրա ավելանում է բարոյական ճնշումը։
Շոտլանդացի 59 խորհրդարանականներից 37-ը ճանաչել են Հայոց ցեղասպանությունը, իսկ 13-ը՝ դեմ արտահայտվել։ Հյուսիսային Իռլանդիայի 18 խորհրդարանականներից 11-ը ճանաչել են Ցեղասպանությունը։
Նշենք նաեւ, որ 2006 եւ 2007 թվականների ընթացքում Ուելսի մի շարք խորհրդարանականներ եւս ճանաչել են Ցեղասպանությունը։
