Երեւանից Ստեփանակերտ քաղաքացիական չվերթները կսկվեն իրականացվել առաջիկա օրերին: Այս մասին NEWS.am-ի թղթակցին հայտնեց Հայաստանի քաղաքացիական ավիացիայի գլխավոր վարչության մամուլի քարտուղար Նելլի Չերչինյանը: «Դեռեւս չվացուցակը հստակեցված չէ, սակայն տեղեկություն կա, որ չվերթները կսկվեն առաջիկա օրերին»,- ասաց Չերչինյանը:
Ավելի վաղ հայտարարվել էր, որ Ստեփանակերտի միջազգային օդանավակայանը շահագործման կհանձնվի առաջիկա շաբաթում: Նախատեսվում է, որ օդանավակայանը սկզբնական շրջանում մեկ ժամում կսպասարկի հարյուր ուղեւորի: Չվերթները կիրականացնի «Էիր Արցախ» ավիաընկերությունը:
Հիշեցնենք, որ արգենտինահայ Էդուարդո Էռնեկյանը հայտարարել էր, որ մտադիր է Լեռնային Ղարաբաղին օդանավ նվիրել: