Լեռնային Ղարաբաղի Հանրապետության «Ստեփանակերտ» օդանավակայանը պաշտոնապես հանձնվել է շահագործման: Այդ մասին NEWS.am-ի թղթակցին հայտնել է ԼՂՀ կառավարությանն առընթեր Քաղավիացիայի վարչության պետ Դմիտրի Ադբաշյանը:
«Պաշտոնապես հավաստագիր է ստացվել: Այն երկու բանի մասին է վկայում` միջազգային չափանիշներին օդանավակայանի համապատասխանության եւ օդանավերի ընդունում-ուղարկում սկսելու իրավունքի», - հայտնել է Դմիտրի Ադբաշյանը, հավելելով, որ հավաստագիրն ստացվել է սեպտեմբերի 28-ին: Այսպիսով, Ստեփանակերտի օդանավակայանը հանձնվել է շահագործման: «Մենք աշխատակազմի ժողով ենք անցկացրել, եւ նրա 35 անդամների հանձնվել են պատվոգրեր օդանավակայանի գործարկման աշխատանքի համար», - նշել է Աթբաշյանը:
Ինչպես հաղորդվել էր ավելի վաղ, շուտով նախատեսվում է սկսել Երեւանից Ստեփանակերտ եւ հետադարձ չվերթներ: Դեռեւս հստակ տվյալներ չկան չվերթների սկզբի եւ ժամանակացույցի վերաբերյալ: