Հայաստանի քաղաքացիական ավիացիայի գլխավոր վարչությունը հայտարարություն է տարածել` պարզաբանելով հայկական ինքնաթիռի` Թուրքիայում կատարած վայրէջքի փաստը:
«Հայաստանի Հանրապետությունից Սիրիայի հայկական համայնքին հումանիտար օգնություն է տրամադրվում:Դեռեւս անցած շաբաթ թուրքական ավիացիոն իշխանությունները AIR Armenia ավիաընկերությանը տեղեկացրել էին , որ եթե ավիաընկերությունը ցանկանում է իր օդանավն անցնի Թուրքիայի օդային տարածքով, պետք է վայրէջք կատարի Թուրքիայի Էրզրումի օդանավակայանում եւ իրականացվի բեռի վերազննում:
Ավիաընկերությունը տվել է իր համաձայնությունը եւ ի սկզբանե իր թռիչքային պլանում նախատեսած է եղել այդ օդանավակայնում վայրէջք կատարելը: Այս պահին օդանավը գտնվում է Էրզրումի օդանավակայնում ՝ ըստ համապատասխան թռիչքուղու եւ անցնում է բեռի վերազննում: Օդանավում են անձնակազմի ութ անդամներ եւ մեկ հոգի՝ բեռի ուղեկցող»,- ասված է հայտարարության մեջ:
