Թուրքիայի արեւելյան հատվածում գտնվող Վան քաղաքի երկնքում հոկտեմբերի 25-ի երեկոյան չբացահայտված թռչող օբյեկտ են նկատել:
Թուրքական Star պարբերականի փոխանցմամբ` հոկտեմբերի 25-ի երեկոյան, 20:00-ին, Վանի Սելիմբեյ թաղամասում ապրող Ֆերհաթ Ֆըրաթը ծխելու համար դուրս է եկել պատշգամբ եւ երկնքում կարմրավուն թռչող օբյեկտ է նկատել:
Ֆերհաթը նշել է, թե անծանոթ օբյեկտը նախ թռչում էր մի գծով, որից հետո կանգնեց եւ որոշ ժամանակ հետո անհետացավ: Ֆերհաթի խոսքով` ինքը հասցրել է բջջային հեռախոսով որոշ ժամանակ տեսագրել անհայտ թռչող մարմինը:
