BBC-ում անչափահասներին բռնաբարելու գործով եւս մեկ մարդ է կալանավորվել. նա BBC Radio 1-ի նախկին դիջեյ Դեյվ Լի Թրեվիսն է: Այս մասին հաղորդում է BBC հեռուստառադիոկորպորացիան:
Նրան կասկածում են սեռական բնույթի հանցագործությունների մեջ, սակայն, ըստ ոստիկանների, Թրեվիսի նկատմամբ մեղադրանքը կապված չէ Սեւիլի գործի հետ:
Դեյվ Լի Թրեվիսը, ով այժմ 67 տարեկան է, ձերբակալվել է Բեդֆորդշիրի իր տանը:
Հոկտեմբերի կեսին Newsnight ծրագրի թղթակիցները պարզել են, որ նախկին հեռուստահաղորդավար Ջիմմի Սեւիլը տասնյակ տարիներ բռնաբարել է կանանց ու երեխաների: Սեւիլը մահացել է նախորդ տարի՝ 84 տարեկան հասակում:
Բրիտանական ոստիկանությունը հայտնում է, որ այս պահին հեռուստահողորդավարի գործողություններից 400 տուժած կա: