Այս գիշեր եւ վաղը ցերեկը Հայաստանի տարածքի մեծ մասում սպասվում է ձյուն, արեւելյան տարածաշրջաններում՝ առատ։ «Հայպետհիդրոմետ»-ի տվյալներով ճանապարհներին հնարավոր է մերկասառույց, լեռներում՝ ձնաբուք, իսկ առանձին վայրերում՝ մառախուղ։
Երեւանում այս գիշեր սպասվում է ամպամածություն, տեղումների հավանականությունը քիչ է։ Վաղը ցերեկը մայրաքաղաքում ժամանակ առ ժամանակ ձյուն կտեղա։ Օդերեւութաբանները կանխատեսում են մառախուղ եւ ձյունախառն անձրեւ, հնարավոր է քամու ուժգնացում՝ մինչեւ 13-ից 18 մ/վկ։ Երեւանում գիշերը կլինի 0+2, ցերեկը՝ +1+3 ջերմաստիճան։
Օդի ջերմաստիճանը մարզերում.
Շիրակում՝ գիշերը՝ -4-8, ցերեկը՝ 0-4,
Կոտայքում՝ գիշերը՝ -4-8, ցերեկը՝ 0-4,
Գեղարքունիքում՝ գիշերը՝ -4-8, ցերեկը՝ 0-4,
Լոռիում՝ գիշերը՝ -2-7, ցերեկը՝ 0-3,
Տավուշում՝ գիշերը՝ 0-5, ցերեկը՝ 0+4,
Արագածոտնի լեռներում՝ գիշերը՝ -4-8, ցերեկը՝ 0-4,
Արագածոտնի նախալեռներում՝ գիշերը՝ -2+2, ցերեկը՝ 0+3,
Արարատում՝ գիշերը՝ 0+3, ցերեկը՝ +1+4,
Արմավիրում՝ գիշերը՝ 0+3, ցերեկը՝ +1+4,
Վայոց ձորի լեռներում՝ գիշերը՝ -4-8, ցերեկը՝ 0-4,
Վայոց ձորի նախալեռներում՝ գիշերը՝ 0+3, ցերեկը՝ +1+4,
Սյունիքի հովիտներում՝ գիշերը՝ 0+4, ցերեկը՝ +1+5,
Սյունիքի նախալեռներում՝ գիշերը՝ -1-5, ցերեկը՝ -2+1,
Լեռնային Ղարաբաղում՝ գիշերը՝ -1+2, ցերեկը՝ 0+4: