Անկարայի հանրապետական դատախազությունը հետաքննություն է սկսել՝ փետրվարի 1-ին քրդական «Խաղաղություն եւ ժողովրդավարություն» կուսակցության անցկացրած արտակարգ համագումարի հետ կապված։
Թուրքական Radikal-ի փոխանցմամբ՝ դատախազ Քուրսաթ Քայրալի կողմից հարուցված գործը ներառում է «ժողովրդին զինվորականությունից հեռացնելու» եւ «քաղաքական կուսակցությունների ոգուն հակառակ գործունեություն» մեղադրանքները։ Գործի շրջանակներում անվտանգության ծառայություններից պահանջվել են կուսակցության համագումարի ժամանակ տեսագրված կադրերը։
NEWS.am-ը հիշեցնում է, որ փետրվարի 1-ին «Խաղաղություն եւ ժողովրդավարություն» կուսակցության արտակարգ համագումարի ընթացքում չի հնչել թուրքական հիմնը, այնտեղ գովերգել են Աբդուլահ Օջալանին ու PKK-ի այլ անդամների։
Կուսակցության նախկին եւ նորընտիր ղեկավարները կոշտ քննադատության են ենթարկել թուրքական իշխանություններին` մեղադրելով նրանց քրդական հարցի լուծումը շահարկելու, եւ միաժամանակ քրդերի դեմ իրականացվող ճնշումների համար:
Ընտրության արդյունքներով` կուսակցության ղեկավար է ընտրվել Թուրքիայի խորհրդարանում Դիարբեքիրից ընտրված պատգամավոր Սելահաթին Դեմիրթաշը: