2010 թվականի սեպտեմբերի 1-ին Ռուսաստանի տարածքում սկսելու է հեռարձակվել առաջին ազգային-հանրային հայկական TV ARMENIA.RU հեռուստաընկերությունը: Մինչ այդ, սակայն, մարտի 1-ին Մոսկվայում տեղի կունենա TV ARMENIA.RU հեռուստատեսության հիմնադիր ժողովը, իսկ սեպտեմբերի 1-ից այն կսկսի հեռարձակել իր հաղորդումները: Հեռարձակումն իրականացվելու է արբանյակային և ինտերնետ կապով։

Հեռուստատեսության նպատակը, ինչպես նշում է նախաձեռնող խումբը, Հայաստանում ու Սփյուռքում հայերի կյանքի տարբեր ոլորտների օպերատիվ լուսաբանումն է: Հեռարձակումը կատարվելու է հայերեն ու ռուսերեն լեզուներով:

Նշենք, որ TV ARMENIA.RU-ի կանոնադրական կապիտալը մոտ 6 մլն դոլար է: Թողարկվելու է 18 հազար բաժնետոմս, յուրաքանչյուրը 1,8 միլիոն ռուբլի արժողության: Բաժնետոմսերի առավելագույն քանակը մեկ հոգու համար` 10 տոկոս է: