Հունվարին Ադրբեջանը 860 անգամ խախտել է Հայաստանի եւ Լեռնային Ղարաբաղի Հանրապետության հրադադարի ռեժիմը:
Ըստ Հայաստանի պաշտպանութան նախարարության տվյալների` Ադրբեջանի ԶՈՒ-ն 160 անգամ դիպուկահար զենք է կիրառել, մոտ 20 անգամ՝ խոշոր տրամաչափի զենք, այդ թվում`15 անգամ խոշոր տրամաչափի դիպուկահար զենք: Հունվարին հայկական կողմից զոհեր եւ վիրավորներ չեն եղել:
2012թ. Ադրբեջանը 16 300 անգամ խախտել էր հրադադարի ռեժիմը: Նշենք, որ վերջին տարիներին Ադրբեջանը մշտապես նոր «ռեկորդների» է հասնում այդ առումով. եթե 2006թ. ադրբեջանական կողմը հրադադարի ռեժիմը խախտել էր 600 անգամ, ապա 2007թ.` 1400, 2008թ.` 3500 անգամ, 2009թ.` գրեթե 4600 անգամ, 2010թ.` 7200 անգամ, իսկ 2011թ.՝ ավելի քան 12 600 անգամ: