Հայաստանի նախագահ Սերժ Սարգսյանն այսօր՝ մարտի 20-ին, շնորհավորական ուղերձ է հղել Իրանի Իսլամական Հանրապետության նախագահ Մահմուդ Ահմադինեժադին եւ Իրանի Իսլամական Հանրապետության հոգեւոր առաջնորդ Սեյյեդ Ալի Խամենեին՝ իրանական Ամանորի՝ Նովրուզի կապակցությամբ:
Նախագահի մամուլի գրասենյակից NEWS.am-ին հայտնում են, որ հանրապետության ղեկավարը հույս է հայտնել, որ Հայաստանի եւ Իրանի միջեւ արդյունավետ համագործակցությունը նոր տարում կշարունակի ծառայել երկու երկրների ժողովուրդների բարեկամության ավելի խորացմանը եւ տարածաշրջանի կայունության ամրապնդմանը:
