Պատմության մեջ առաջին անգամ Հայաստանի քաղաքացին հավակնում է Պոլսո Հայոց պատրիարքի պաշտոնին։ Խոսքն արքեպիսկոպոս Սեպուհ Չուլջյանի մասին է, ով ղեկավարում է Հայ առաքելական եկեղեցու Գուգարաց թեմը, հաղորդում է Hyurriet Daily News-ը։

Պարբերականը նշում է, որ «Թուրքիայում Չուլջյանը կդառնա հայազգի 85-րդ պատրիարքը, եթե ընտրություններում հաղթանակ տանի։ Համաձայն 1861 թ. սահմանված կանոնակարգի՝ պատրիարք կարող է դառնալ միայն նա, ում հայրը ծնվել է Թուրքիայում»։

Թերթի հետ խոսելով հայ-թուրքական հարաբերությունների կարգավորման թեմայի շուրջ՝ Չուլջյանը նշել է. «Մենք չպետք է նման հնարավորությունը բաց թողնենք մեր ձեռքից։ Ժամանակը մեզ հակառակ է աշխատում։ Ես կարծում եմ, որ նրանք, ովքեր հանդես են գալիս որպես միջնորդներ, դա անում են իրենց խղճի հանգստության համար։ Սակայն նրանք հետապնդում են նաեւ սեփական շահեր։ Սակայն Հայաստանը եւ Թուրքիան երկկողմ հարաբերությունների կարգավորման գործում նրանց միջամտության կարիքը չունեն»։