Ապրիլի 21-ին, ժամը 23.10-ի սահմաններում, «BMW» մակնիշի ավտոմեքենան Երեւանի Աճառյան փողոցում բախվել է «ՎԱԶ-2107» մակնիշի ավտոմեքենայի, այնուհետեւ՝ մայթեզրին կայանված «ՎԱԶ-2107»-ի, որից հետո վրաերթի է ենթարկել 26-ամյա տղամարդու, ապա բախվել նույն հասցեի մոտ մայթեզրին կայանված «ԳԱԶ-31029» մակնիշի ավտոմեքենայի եւ դուրս գալով ճանապարհի երթեւեկելի մասից` բախվել կրպակներին: Կրպակը մի քանի մետր տեղաշարժվել է:
Ոստիկանության լրատվության վարչությունից հայտնում են, թե վրաերթի ենթարկվածը մարմնական վնասվածքներով տեղափոխվել է հիվանդանոց:
Կատարվում է քննություն:
