Բոլոր երեւանցիների ընդհանուր նպատակը գեղեցիկ Երեւանն է: Այս մասին հայտարարել է ՀՀԿ անդամ, Երեւանի քաղաքապետի թեկնածու Տարոն Մարգարյանը` մայրաքաղաքի Կենտրոն վարչական շրջանի բնակիչների հետ հանդիպման ժամանակ: «Երեւանը միշտ մշակութային քաղաք է եղել եւ մենք չենք պատրաստվում տեսադաշտից բաց թողնել մշակութային հաստատությունների` գրադարանների, թատրոնների, համերգային սրահների զարգացումը»,- հայտարարել է Տ. Մարգարյանը:
Մայրաքաղաքի գեղեցկության պահպանումը բոլոր երեւանցիների ընդհանուր խնդիրն է, իսկ Երեւանի ավագանին կյանքի կկոչի քաղաքի բնակիչների նպատակներն ու ձգտումները` նրանց տալով երեւանցիների երազած Երեւանը:
Հիշեցնենք, որ Երեւանի ավագանու ընտրությունները կկայանան մայիսի 5-ին:
