Լիտվական առաջատար կայքերից մեկը` 15min.lt-ը մեղադրել է Ադրբեջանի ներկայացուցիչներին` «Եվրատեսիլ-2013»-ին առաջատար դիրքեր զբաղեցնոլու համար ձայներ գնելու մեջ: Լրագրողներն իրենց մեղադրանքը հաստատել են համապատասխան տեսագրությամբ, որում երկու տղամարդիկ գումար են առաջարկում եւ պատմում ձայներ կեղծելու մեխանիզմի մասին:
Պարբերականի խմբագրություն են դիմել ուսանողները, որոնք զարմանալի պատմություն են պատմել, Վիլնյուսի Սպիտակ կամրջի մոտ նրանց են մոտեցել ռուսախոս տղամարդիկ եւ առաջարկել գումար վաստակել: Անհրաժեշտ էր երեկոյան քվեարկել «Եվրատեսիլ-2013»-ի մի մասնակցի համար հնարավորինս շատ եւ վաստակել 20 եվրո: Ընդ որում, առաջարկել են նաեւ բջջային քարտեր տալ, որոնք նախապես լիցքավորված էին:
15min.lt-ի լրագրողները ներկայացել են որպես գնորդ եւ գնացել հանդիպման` զինվելով գաղտնի տեսախցիկներով եւ ձայնագրիչներով:
Ձայներ գնողները ներկայացել են ճիշտ ժամանակին եւ 10 րոպեում hասցրել են պատմել ողջ սխեման` նշելով, որ այդպես անում են գրեթե բոլոր երկրներում: Ձայներ գնողները նշել են, թե խմնբերը պետք է լինեն քաղաքի տարբեր կետերում, որ բջջային օպերատորները զանգվածային գնման կասկած չունենան:
Նշենք, որ Լիտվան Ադրբեջանին մրցույթում 12 միավոր է տվել:
