Ամերիկայի Հայ դատի հանձնախումբը դիմել է Պետքարտուղարությանը` խնդրելով դատապարտել Թուրքիայի կառավարության գործողությունները հայ լրագրող Սեւան Նշանյանի դեմ:
ANCA-ն ընդգծել է, թե նա նախկինում էլ ճնշման է ենթարկվել Հայոց ցեղասպանության վերաբերյալ իր հայտարարությունների համար: Դիմումի մեջ նշվում է, թե Ավելի վաղ Պետդեպը արհամարհել էր կոչերը` հանդես գալ Հրանտ Դինքի հետապնդման դեմ եւ բաց խոսել է միայն նրա սպանությունից հետո:
Հիշեցնենք, որ թուրքական դատարանը Նշանյանին դատապարտել է 13,5 ամսվա բանտարկության` Մուհամեդ մարգարեին վիրավորելու համար:
