Աշտարակում կկառուցվի Նոր Հալեպ թաղամասը: ՀՀ կառավարությունն այսօր՝ հունիսի 6-ին, հանձնարարեց ՀՀ սփյուռքի նախարարությանը՝ աջակցել նոր թաղամասի կառուցմանը:
Ըստ ՀՀ Սփյուռքի նախարարության տեղեկատվության՝ Սիրիայից Հայաստան են տեղափոխվել 7000 հայեր: Բնակարան ձեռքբերելու համար ցուցակագրվել են 600 ընտանիքներ, որոնք պատրաստ վճարելու բնակարանի արժեքի 50%-ը:
Առաջարկվում է «Սիրիահայերի հիմնախնդիրները համակարգող կենտրոն» հկ-ին Աշտարակում հատկացնել 4,8 հա տարածք՝ բարերաների եւ պետության աջակցությամբ թաղամաս կառուցելու համար՝ 600 ընտանիքի հաշվարկով:
ՀՀ սփյուռքի նախարար Հրանուշ Հակոբյանի տեղեկացմամբ՝ նման թաղամասեր կկառուցվեն նաեւ այլ քաղաքներում:
