«Գազպրոմ» ընկերության կենտրոնական գրասենյակում հունիսի 17-ին տեղի ունեցած` ընկերության վարչության նախագահ Ալեքսեյ Միլլերի եւ Հայաստանի էներգետիկայի եւ բնական պաշարների նախարար Արմեն Մովսիսիյանի աշխատանքային հանդիպման ընթացքում Հայաստանի սպառողներին մատակարարվող ռուսական գազի գնագոյացման հարցեր են քննարկվել: Այս մասին ասվում է «Գազպրոմի» պաշտոնական կայքում տեղադրված հաղորդագրության մեջ:
Նշվում է նաեւ, որ կողմերը քննարկել են գազային ոլորտում հայ-ռուսական համագործակցության զարգացման հիմնական հարցերը, այդ թվում` «Գազպրոմի» մասնակցությունը հանրապետության էներգետիկ ծրագրերին:
Հանդիպմանը խոսվել է նաեւ «ՀայՌուսգազարդ» ընկերությունում «Գազպրոմի» մասնաբաժինը մինչեւ 100%-ի հասցնելու հնարավորության մասին: