Մեծ Բրիտանիայի Եղիսաբեթ II թագուհու ձին պատմության մեջ առաջին անգամ հաղթել է Royal Ascot ձիարշավում: Էսթիմեյթ անունով չորս տարեկան նժույգն առաջինն է, որ հաղթանակ է պարգեւում միապետին:
Էսթիմեյթն առաջինն է հաղթահարել երկուսուկես մղոնանոց տարածությունը՝ հետեւում թողնելով երկու գլխավոր մրցակիցներին՝ Սիմենոնին եւ Թոփ Թրիփին:
Էսթիմեյթի մարզիչը հայտարարել է, որ մեծ պատիվ էր նորին գերազանցության համար հաղթանակն ապահովելը, գրում է lenta.ru-ն:
Թագուհուն շնորհավորել են հարազատները, ինչպես նաեւ Մեծ Բրիտանիայի վարչապետ Դեյվիդ Քեմերոնը: Թագուհուն մրցանակը հանձնել է նրա որդիներից մեկը՝ արքայազն Էնդրյուն:
Եղիսաբեթը Royal Ascot այցելում է ամեն տարի՝ 1945թ.-ից սկսած: Նա ձիասպորտի մեծ սիրահար է եւ միայն վերջին տարիներին է բժիշկների պահանջով դադարեցրել ձիավարելը:
