Թուրքիայում առաջին անգամ «հայ» բառը որպես վիրավորանք օգտագործելը հանցանք է համարվել։ Ազգությամբ հայ հորն ու որդուն «հայ գյավուրներ» ասած քաղաքացու նկատմամբ դատական գործ է բացվել։
Թուրքական Timeturk-ի փոխանցմամբ՝ Ստամբուլի քաղաքացիական գործերով դատարանում Թուրքիայի քաղաքացիներ, ազգությամբ հայ Լեւոն Բալջըօղլուի եւ Արթուն Բալջըօլուին «հայ գյավուրներ» ասած Յուսուֆ Փոլաթի դեմ դատական գործ է բացվել։ Դատախազությունը ազգությամբ հայ հայր եւ որդուն «հայ» բառը վիրավորական կոնտեքստով օգտագործելու համար Յուսուֆ Փոլաթի համար պահանջում է 2 տարի ազատազրկում։
Եթե Յուսուֆ Փոլաթը պատժի արժանանա, կլինի առաջինը ով դատապարտվում է «հայ» բառը որպես վիրավորանք օգտագործելու համար։
Շատ կարեւոր է, որ Յուսուֆ Փոլաթի դեմ դատական գործ է բացվել Թուրքիայի քրեական օրենսգրքի 125/1 եւ 216/2 կետերով, քանի որ այդ կետերը կարգավորում են «ժողովրդի մի հատվածի դեմ սոցիալական դասի, կրոնի, սեռի, ապրած տարածքի վրա հիմնվելով վիրավորանք հասցնելու» մեղադրանքները։ Դատարանի կողմից մեղադրյալին պատժի ենթարկելը նախադեպ կստեղծի։
