Արագածոտնի մարզի բնակիչ 23-ամյա Էդիկ Մ-ն հղիացրել է Արմավիրի մարզի 15-ամյա բնակչուհուն եւ կանգնել դատարանի առջեւ: Ապարանի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
Գործի նյութերի համաձայն՝ 23-ամյա Էդիկ Մ-ին մեղադրանք է առաջադրվել այն բանի համար, որ նա փաստական ամուսնական հարաբերության մեջ մտնելով Արմավիրի մարզի գյուղերից մեկի բնակչուհի, ակնհայտ 16 տարին չլրացած անչափահաս Գ. Խ-ի հետ, փոխադարձ համաձայնությամբ Շամիրամ գյուղում գտնվող իր տանը սեռական հարաբերություն է ունեցել վերջինիս հետ: Արդյունքում` անչափահասը հղիացել է, ինչը պարզվել է, երբ արդեն 23-24 շաբաթական հղիություն է ունեցել:
Քրեական գործ է հարուցվել 141 հոդվածի հատկանիշներով (18 տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ 16 տարին չլրացած անձի հետ): Սույն հոդվածը պատժվում է տուգանքով՝ նվազագույն աշխատավարձի 100-200-պատիկի չափով, կամ ազատազրկմամբ` առավելագույնը 2 տարի ժամկետով:
Խափանման միջոց ընտրվել է ստորագրությամբ չհեռանալը: Առաջիկայում կնշանակվի դատական քննության օրը: