Արեւմուտքը, ի դեմս Մեծ Բրիտանիայի, ընդառաջ է գնում իրանական կողմին: Միաժամանակ Իրանի նոր նախագահ Հասան Ռոհանին հայտարարել է միջուկային ծրագրի շուրջ բանակցությունները շարունակելու պատրաստակամության մասին: Այս մասին NEWS.am-ի թղթակցին ասաց Ռուսաստանցի իրանագետ Կարինե Գեւորգյանը` անդրադառնալով բրիտանական կողմից Իրանին արված առաջարկությանը` միջուկային ծրագրով բանակցություններն անցկացնել մինչեւ ՄԱԿ-ի նստաշրջանը:
Նրա խոսքով` Իրանի ինչպես արտաքին, այնպես էլ ներքին քաղաքականության մեջ, անկասկած, փոփոխություններ տեղի կունենան: «Իրանի միջուկային ծրագրի հետ կապված բանակցային գործընթացը փոխադարձ գործընթաց է, եւ բանակցություննենրի շարունակման պատրաստակամությունն արդեն վկայում է այն մասին, որ կողմերը մտադիր են հեռանալ կտրուկ հռետորաբանությունից»,- ընդգծեց Կարինե Գեւորգյանը: Նա ավելացրեց, որ Իրանի ներքին քաղաքականության մեջ եւս փոփոխությունները նկատելի են: «Ռոհանին խոստացել է ազատել քաղբանտարկյալներին, այդպիսով ընդունելով նրանց գոյության փաստը»,-նկատեց նա:
