News
Լրահոս
News
Հինգշաբթի
Օգոստոս 11
USD
406.09
EUR
419.78
RUB
6.7
Տեսնել լրահոսը

Ռուսաստանի նախագահ Վլադիմիր Պուտինն Ադրբեջան կատարած երեկվա իր այցի շրջանակներում չայցելեց Բաքվի ամենաբարձր տարածքում տեղակայված, այսպես կոչված, «Շահիդների ծառուղի»։ Այս քայլը, ադրբեջանական պետական քարոզչամեքենայի եւ անձնապես Իլհամ Ալիեւի համար, մեղմ ասած, լուրջ հարված էր։ Վերջինս փորձում է Ադրբեջան այցելող յուրաքանչյուր նախագահի եւ արտասահմանյան պատվիրակության ղեկավարի տանել այդ գերեզմանոց՝ «Ադրբեջանի տարածքային ամբողջականության եւ ազատության համար զոհված դուստրերի եւ որդիների հիշատակը հարգելու»։

Ինչպես հայտնի է, «ազատության համար զոհվածներ» ասելով, նկատի ունեն 1990 թվականի հունվար 13-19-ին Բաքվի հայկական ջարդերի կազմակերպիչներին եւ մասնակիցներին։ Գերեզմանոցում թաղվածները զոհվել են հունվարի 20-ին, երբ քրիստոնյա բնակչության փրկության համար Բաքու մտցվեց Խորհրդային զորքը։ Ադրբեջանի ազգային ճակատի ծայրահեղականների հետ բախումներում զոհվեց մի քանի ռուս զինվորական։ Ահա այս մոլեռանդների ու ջարդարարների ծառուղի են Ադրբեջանի իշխանությունները փորձում տանել Բաքու այցելող արտասահմանյան բոլոր պատվիրակությունների ղեկավարներին։ Վլադիմիր Պուտինը, ի տարբերություն իր նախորդ Դմիտրի Մեդվեդեւի, չայցելեց «Շահիդների ծառուղի»։

Պուտինի երկրորդ «հարվածը», ռուս-ադրբեջանական հարաբերությունների զարգացման մասին Ալիեւի խոսքում «Հայաստանի կողմից ադրբեջանական հողերի օկուպացիայի» հիշատակման անտեսումն էր։ Ալիեւը, երկու նախագահների համատեղ հայտարարության ժամանակ կրկին անդրադարձավ «Ադրբեջանի 20 տոկոս օկուպացված տարածքի» հին թեմային։ Նշեց, որ այնտեղ ամեն ինչ քանդված է, որ ՄԱԿ-ի անվտանգության խորհրդի ընդունած բանաձեւերը չեն իրականացվում եւ այլն։ Ի պատասխան, Պուտինը պարզապես հակիրճ անդրադարձով ընդգծեց, որ ղարաբաղյան խնդիրը պետք է լուծվի բացառապես քաղաքական ուղիով, քննադատելով ագրեսիայի եւ ռազմատենչ հայտարարությունների ցանկացած դրսեւորում, ինչով միայն Ադրբեջանն է զբաղվում։

Իվան Ղարիբյան

!
Այս նյութը հասանելի է նաև   Русский
Տպել
Ֆոտոռեպորտաժներ