ԱՄՆ-ի եւ Իրանի նախագահներ Բարաք Օբաման եւ Հասան Ռուհանին հեռախոսով քննարկել են Թեհրանի միջուկային ծրագրի շուրջ համաձայնությունը: Սա 1979թ. ի վեր առաջին բանակցությունն էր ԱՄՆ-ի եւ Իրանի նախագահների միջեւ:
Ըստ Օբամայի` ինքն իրանցի գործընկերոջը հայտնել է, որ համաձայնության ձեռքբերման գործընթացում կարող են լուրջ խոչընդոտներ ծագել, եւ բանակցությունների հաջողությունը երաշխավորված չէ, հայտնում է «Ինտերֆաքսը»` վկայակոչելով BBC-ն: Օբաման նաեւ հավատում է, որ երկրների առաջնորդները կարող են խնդրի համալիր լուծում գտնել:
Lenta.ru-ն, վկայակոչելով Reuters-ը, հայտնում է, որ Ռուհանիի աշխատակազմում հաստատել են զրույցի փաստը եւ վստահություն հայտնել, որ դա հիմք կդառնա Վաշինգտոնի եւ Թեհրանի միջեւ ընթացիկ հարցերը լուծելու համար եւ թույլ կտա համագործակցել ապագայում:
Օբամայի եւ Ռուհանիի զրույցը տեղի է ունեցել Նյու Յորքում «վեցյակի» արտգործնախարարների եւ Իրանի արտգործնախարար Ջավադ Զարիֆի հետ բանակցությունների հաջորդ օրը:
Իրանի արտգործնախարի եւ «վեցյակի» հանդիպումը. Իրանը պատժամիջոցների վերացում է ակնկալում