Նոյեմբերի 4-ին Երեւանում մեծ շուքով տեղի ունեցավ շախմատի միջազգային վարպետ, Հայաստանի վաստակավոր մարզիչ Աշոտ Նադանյանի «Իմ շախմատը» հեղինակային գրքի շնորհանդեսը` նվիրված շախմատիստի քրոջ հիշատակին: (ֆոտոռեպորտաժ)
«Քավորս ու քավորակինս տեսան իմ աֆորիզմներն ու առաջարկեցին դրանք գրքով հրատարակել։ Հետո մտածեցի՝ երևի ճիշտ կլինի շախմատային պարտիաներն էլ ներառել: Ու այդպես դարձավ շախմատային և աֆորիզմային գիրք: Երբ աֆորիզմներ եմ գրում, շախմատից եմ հանգստանում: Երբ շախմատ եմ խաղում, գլուխս աֆորիզմներից է հանգստանում։ Իրար չեն խանգարում»,- NEWS.am-ի թղթակցին ասաց «Իմ շախմատը» գրքի հեղինակ Աշոտ Նադանյանը:
Շնորհանդեսին ներկա էին շախմատիստի գործընկերները, հարազատներն ու երկրպագուները:
«Սա, իհարկե, Աշոտի բոլոր տաղանդների սահմանը չի, բայց լավ է, որ գոնե մի մասը հանձնել է թղթին»,- ասաց ճանաչված գրոսմայստեր Լեւոն Արոնյանը, որի մարզիչ-մարտավկան է Աշոտ Նադանյանը։
Գրքի վաճառքից ստացված հասույթն ուղղվելու է նաեւ բարեգործական նպատակներին:
