Ռուսաստանում Սանկտ Պետերբուրգում թոշակառուների միության նախագահ Բորիս Իվչենկոն քաղաքային դատարանում 50 մլն ռուբլու հայց է ներկայացրել «Դոժդ» հեռուստաալիքի դեմ՝ բարոյական վնասի համար:
«Դա իմ անձնական նախաձեռնությունն է, հայցն անձամբ իմ կողմից է ներկայացվել»,-գործակալությանն է պատմել Իվչենկոն: «Դրա հետեւում տասնյակ հազարավոր մարդիկ են կանգնած»,-պարզաբանել է թոշակառուն:
Նա նաեւ նշել է, որ պահանջելու է «բարոյական պատասխանատվություն՝ բարոյական վնասի համար», եթե անգամ հայցը մերժվի, հաղորդում է «ՌԻԱ Նովոստին»:
Հիշեցնենք, որ Ռուսաստանի խոշորագույն արբանյակային օպերատորները դադարեցրել են «Դոժդ» հեռուստաալիքի հեռարձակումը՝ «դրա խմբագրական քաղաքականության պատճառով»:
Ռուսական «Դոժդ»-ի սեփականատերը հայտարարել է հեռուստաալիքի փաստացի փակման մասին
