Վրաստանի նախկին վարչապետ Զուրաբ Ժվանիան կարող էր սպանված լինել նախկին նախագահ Միխայիլ Սահակաշվիլիի աչքի առաջ, գրում է վրացական «Ասավալ-դասավալի» շաբաթաթերթը:
Ըստ թերթի՝ Վրաստանի դատախազությունը չի շտապում հրապարակել Ժվանիայի մահվան հանգամանքների հետաքննության արդյունքները, քանի որ«Միխայիլ Սահակաշվիլիի անմիջական մասնակցության փաստեր է գտել»:
Մամուլը գրում է, որ Ժվանիան նախագահական «Շավնաբադա» նստավայրում է սպանվել՝ Սահակաշվիլիի եւ ՆԳՆ այն ժամանակվա նախարար Վանո Մերաբիշվիլիի ներկայությամբ: Հետո նրա դին արկղի մեջ տեղափոխել են բնակարան, որտեղ էլ բեմականացվել է դժբախտ պատահարից՝ շմոլ գազի թունավորումից առաջացած մահը:
Թերթը պնդում է, որ քննությունը ձայնագրություն ունի, որտեղ Սահակաշվիլիի ձայնին նման ձայնը ասում է. «Հիմա դիակը հեռացրու եւ արա այնպես, ինչպես պայմանավորվել էինք»:
«Ինտերֆաքսը» Վրաստանի գլխավոր դատախազությունից հետաքրքրվել է տեղեկության հավաստիության մասին, սակայն գերատեսչությունը չի հաստատել՝ ասելով, որ գործի քննությունը շարունակվում է:
Զուրաբ Ժվանիան մահացած էր հայտնաբերվել 2005թ. փետրվարի 3-ին՝ Թբիլիսիի բնակարաններից մեկում: Ըստ քննության պաշտոնական վարկածի՝ ողբերգական մահվան պատճառ էր դարձել շմոլ գազից թունավորումը:
ած էր հայտնաբերվել 2005թ. փետրվարի 3-ին՝ Թբիլիսիի բնակարաններից մեկում: Ըստ քննության պաշտոնական վարկածի՝ ողբերգական մահվան պատճառ էր դարձել շմոլ գազից թունավորումը: