Մինչ ուկրաինացիները դուրս են եկել փողոցներ՝ պահանջելու այդ նախկին խորհրդային երկրում փոփոխություններ, մտահոգիչ բողոքի ակցիաներ են տեղի ունենում նաեւ մեկ այլ հետխորհրդային հանրապետությունում: Կիեւում ցուցարարներն այրում էին անվադողեր, որպեսզի արտահայտեն իրենց ցասում, իսկ Ադրբեջանում՝ մարդիկ այրում են իրենք իրենց: Այս մասին հաղորդում է «Bloomberg»-ը:
Ինքնահրկիզման առաջին հայտնի դեպքը տեղի է ունեցել երկու ամիս առաջ ու դրան արդեն հետեւել է առնվազն ութ դեպք: «Դա Ադրբեջանի կառավարությունում կոռուպցիայի դեմ բողոքի նոր ձեւ է: Գնալով ավելի շատ մարդիկ են ինքնահրկիզվում կառավարական շինությունների առաջ»,-ասել է «Ատլաս» ՀԿ ղեկավար Էլհան Շահինօղլուն:
Հիշեցնենք, որ վետերան, հաշմանդամ Զաուր Հասանովը ինքնահրկիզվել էր դեկտեմբերի 25-ին՝ բողոքելով իր ծովափնյա սրճարանն ավիրելու դեմ: Ինքնահրկիզման տեսագրությունը տարածվել է ինտերնետում, սոցցանցերում, որից հետո հազարավոր մարդիկ քննադատել են կառավարությանը:
«Human Rights Watch» եւ «Transparency International»-ի համաձայն՝ այդ պետությունն առավել կոռումպացված ու ռեպրեսիվ պետությունների ցանկում է, որտեղ խատվում են խոսքի ազատությունն ու մարդու իրավունքները: