նախընտրելի դարձնել«Աջ հատված» շարժման առաջնորդ Դմիտրի Յարոշը որոշել է առաջադրվել նախագահական ընտրություններում, մամուլի ասուլիսում հայտարարել է «Աջ հատվածի» կիեւյան շտաբի նախագահ Անդրեյ Տարասենկոն:
Նա նաեւ հայտնել է, որ առաջիկայում նախատեսվում է «Աջ հատված» կուսակցության ստեղծում, եւ դրա ներկայացուցիչները կմասնակցեն Կիեւի քաղխորհրդի ու Ուկրաինայի ՏԻՄ ընտրություններին: Նրա խոսքով՝ կուսակցության առաջին համագումարը կկայանա մարտի 15-ին:
Տարասենկոյի խոսքով՝ «Աջ հատվածի» պայքարը քաղաքական փուլ է թեւակոխում:
Միաժամանակ նա հստակեցրել է, որ կազմակերպությունը Ռուսաստանի ագրեսիան կանխելու համար շարունակում է մոբիլիզացիա իրականացնել:
Հիշեցնենք, Սոցիալական եւ մարքեթինգային հետազոտությունների կենտրոնի հարցման համաձայն՝ Յարոշի նախագահական վարկանիշը 1,6% է:
Նախագահական ընտրություններին մասնակցելու մտադրության մասին ավելի վաղ հայտարարել էին Վիտալի Կլիչկոն , Միխայիլ Դոբկինը եւ Օլեգ Լյաշկոն, փոխանցում է LB.ua-ը:
