Ուկրաինայի ազգային անվտանգության եւ պաշտպանության խորհուրդը հանձնարարել է Անվտանգության ծառայության, ներքին գործերի նախարարությանը եւ Զինված ուժերին զորքերը բերել մարտական պատրաստության վիճակի: Այդ մասին մարտի 19-ին կայացած ճեպազրույցում հայտարարել է Ուկրաինայի ազգային անվտանգության եւ պաշտպանության խորհրդի քարտուղար Անդրեյ Պարուբին, հաղորդում է Цензор.НЕТ-ը:
Վերջինիս խոսքով, հանձնարարվել է Ուկրաինայի սահմանամերձ շրջաններում զինված ուժերի մարտավարական խմբեր տեղակայել՝ սահմաններն ու Ուկրաինայի տարածքային ամբողջականությունը պաշտպանելու համար: