Հայաստանի վարչապետ Տիգրան Սարգսյանը հրաժարականի դիմում է ներկայացրել: Այդ մասին այսօր՝ ապրիլի 3-ին կայացած ՀՀԿ Գործադիր մարմնի նիստից հետո լրագրողներին հայտնել է ՀՀԿ մամուլի քարտուղար, ԱԺ փոխնախագահ Էդուարդ Շարմազանովը:
Վերջինիս խոսքով, վարչապետը դիմումը ներկայացրել էր դեռ մեկ ամիս առաջ, սակայն հաշվի առնելով Մաքսային միության հետ կապված եւ այլ հարցեր, նախագահ Սերժ Սարգսյանը խնդրել էր մեկ ամիս սպասել:
Էդուարդ Շարմազանովի խոսքով, վարչապետի դիմումը բավարարվել է:
Խոսելով ՀՀԿ ԳՄ մասին՝ Շարմազանովն ասել է, թե նիստում քննարկվել են ներքաղաքական հարցեր: