Ադրբեջանի իշխանությունները մտադիր են սահմանափակել քաղաքացիների հասանելիությունը Մարդու իրավունքների եվրոպական դատարանին:
Ինչպես «Թուրան» գործակալությունն է հաղորդում, մեկնարկել է Ադրբեջանի Միլլի Մեջլիսի հերթական նիստը, որի օրակարգում 12 հարց կա: Առավել հետաքրքրական են լինելու նախորդ տարի հունիսի 24-ին հաստատված եւ դեկտեմբերի 18-ին Եվրոպայի Խորհրդի` Ստրասբուրգում կայացած նիստին հավանություն տրված «Մարդու իրավունքների եւ հիմնարար ազատությունների պաշտպանության մասին» կոնվենցիայում փոփոխություններ մտցնելու մասին №15 արձանագրության շուրջ քննարկումները:
Փաստաթուղթը Մարդու իրավունքների եվրոպական դատարանին ուղղված բողոքների հոսքի կրճատում է նախատեսում: Փորձագետների գնահատմամբ, դա դեռ չի նշանակում, որ Ադրբեջանի դատական ատյանները տեղում ավելի օբյեկտիվ են գործեր քննելու: Պարզապես հրապարակային հայտերի քանակն է կրճատվում:
