Հայաստանի նախագահ Սերժ Սարգսյանը Աստանայում կայանալիք Բարձրագույն եվրասիական տնտեսական խորհրդի նիստին մասնակցելու հրավեր է ստացել: Այս մասին, այսօր՝ մայիսի 27-ին, ԱԺ-ում լրագրողներին հայտնել է նախագահի աշխատակազմի ղեկավար Վիգեն Սարգսյանը:
«Այո, մարտի 29-ին, Հայաստանի նախագահը հրավիրվել է, դա այդպես է»,-ասել է Վիգեն Սարգսյանը:
Նշենք, որ մայիսի 29-ին, Աստանայում կայանալիք նիստին կմասնակցեն Ռուսաստանի, Ղազախստանի եւ Բելառուսի նախագահներ Վլադիմիր Պուտինը, Նուրսուլթան Նազարբաեւ եւ Ալեքսանդր Լուկաշենկոն: Նիստում սպասվում է Եվրասիական տնտեսական միության ստեղծման մասին համաձայնագրի ստորագրում:
