News
Լրահոս
News
Ուրբաթ
Մարտ 29
Տեսնել լրահոսը

Հաշմանդամություն ունեցող անձանց խնդիրները մշտապես գտնվում են Երեւանի քաղաքապետ Տարոն Մարգարյանի ուշադրության կենտրոնում: Ասվածը եւս մեկ  անգամ հաստատում է քաղաքապետի նախաձեռնությամբ Երեւան քաղաքի ավագանու քննարկմանը ներկայացված որոշման նախագիծը, որով նախատեսվում է հաշմանդամություն ունեցող անձանց ազատել ավտոկայանատեղերի տեղական տուրքի վճարումից: Համաձայն որոշման այդ նախագծի, հաշմանդամություն ունեցող բոլոր անձիք, ովքեր  համապատասխան դիմում եւ կարգավիճակը հաստատող փաստաթղթերը կներկայացնեն Երեւանի քաղաքապետարան,  կազատվեն տուրքի վճարումից:

Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե նշված նախագծի մշակմանն ակտիվորեն մասնակցել է նաեւ Երեւանի ավագանու ՀՀԿ խմբակցության անդամ  Գրիգոր Մինասյանը, ով նաեւ առաջարկել է բոլոր ավտոկայանատեղերում հաշմանդամություն ունեցող անձանց ավտոտրանսպորտային միջոցների կայանման համար նախատեսել առանձին հատվածներ` տվյալ տեղերում արգելելով այլ մեքենաների կանգառն ու կայանումը: Նախագիծը, որն ի դեպ  լիովին համահունչ է հաշմանդամություն ունեցող անձանց իրավունքների վերաբերյալ Հայաստանի Հանրապետության ստանձնած միջազգային պարտավորություններին, ներպետական օրենսդրական երաշխիքներին, ինչպես նաեւ ոլորտի միջազգային փորձին, այս եւ այլ առաջարկների հետ միասին կընդգրկվի Երեւան քաղաքի Ավագանու առաջիկա նիստի օրակարգում:

Տպել
Ամենաշատ