Հուլիսի 1-ից կրթության ոլորտի աշխատողների աշխատավարձը կբարձրանա մոտ 14 տոկոսով: Այս մասին Facebook-ի իր էջում գրել է կրթության եւ գիտության նախարար Արմեն Աշոտյանը:
Նրա խոսքով՝ դպրոցներում եւ ուսումնարաններում աշխատող մանկավարժների հաշվարկային աշխատավարձը կբարձրանա 9 %-ով:
«Քոլեջներում եւ արտադպրոցական հաստատություններում հաշվարկային աշխատավարձը բարձրանալու է մոտ երկու անգամ:
Բուհերում եւ գիտական հիմնարկներում բարձրանալու է նվազագույն աշխատավարձը:
Իհարկե, առաջին իսկ հնարավորության դեպքում պետք է շարունակել ջանքերը կրթության ոլորտում աշխատող մարդկանց աշխատավարձը բարձրացնելու համար»,-գրել է Աշոտյանը: