Կառավարությունը հավանություն է տվել ՌԴ-ում ՀՀ-ից գնացած աշխատանքային միգրանտների գտնվելու արտոնյալ պայմանների համաձայնագրի նախագծին: Նախագիծը ներկայացրել է Հայաստանի միգրացիոն ծառայության պետ Գագիկ Եգանյանը Գործադիրի հուլիսի 3-ի նիստում:
Ըստ համաձայնագրի՝ ՀՀ քաղաքացիները կարող են առանց գրանցման ՌԴ-ում գտնվել 30 օր: Դրանից երկար մնալու դեպքում հաշվառումն արդեն պարտադիր է: Արտոնյալ պայմանները գործում են նաեւ Հայաստան եկող ՌԴ քաղաքացիների համար:
Հիմնավորման մեջ նշվում է, որ արտոնյալ ռեժիմը նախատեսված է միայն ՄՄ երկրների համար:
Սակայն իրավական բազան Հայաստանի համար ուժի մեջ է մտնում միայն 2015թ. հունվարի 1-ից:
Հիշեցնենք, մայիսի վերջին Հայաստան այցի ժամանակ Ռուսաստանի ԴՄԾ պետ Կոնստանտին Ռոմոդանովսկին հայտարարել է, որ Ռուսաստանում ՀՀ շուրջ 503 հազար քաղաքացի է գտնվում: Ոչ պաշտոնական թիվը շատ ավելի մեծ է:
