Վրաստանի գործող իշխանությունները քրեակ գործ են հարուցել Վրաստանի նախկին նախագահ Միխայիլ Սահակաշվիլու դեմ «Ռուսաստանի պատվերով»: Այդ մասին հայտարարել է ինքը Միխայիլ Սահակաշվիլին վրացական «Ռուսթավի 2» հեռուստաընկերությանը տված հարցազրույցում:
Վրաստանի նախկին նախագահի խոսքով՝ տվյալ դեպքում «ռուսական օլիգարխի (Իվանիշվիլիի) շահերը համընկել են Ռուսաստանի շահերի հետ»: «Իվանիշվիլին «Գազպրոմի» ամենախոշոր մասնավոր բաժնետերն է եւ օգոստոսյան պատերազմի տարելիցից առաջ Պուտինը չէր կարող պատկերացնել ավելի ցանկալի նվեր, քան Վրաստանի պետական մարմիանների հրամանն իմ ձերբակալության մասին»,- հայտարարել է Սահակաշվիլին: Միաժամանակ նա պնդում է, որ իր ձերբակալության մասին որոշումը «կարող է բացասաբար անդրադառնալ գործող իշխանությունների վրա»: «Նրանք, ովքեր տվել են այդ հրամանն այսօր, կունենան այնպիսի ավարտ, ինչպես Յանուկովիչն ու իր դաշնակիցները»,- ընդգծել է Սահակաշվիլին:
Հիշեցնենք, որ Թբիլիսիի քաղաքային դատարանն օգոստոսի 2-ի գիշերը բավարարեց դատախազության միջնորդությունը եւ հեռակա նախնական կալանք սահմանեց Վրաստանի նախկին նախագահ Միխայիլ Սահակաշվիլիի դեմ: