News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը


ՀՀ վերաքննիչ քրեական դատարանն, այսօր՝ օգոստոսի 4-ին, անփոփոխ թողեց Շիրակի մարզի առաջին ատյանի դատարանի որոշումը, որով Հարություն Սարգսյանը մեղավոր էր ճանաչվել Գյումրիի նախկին քաղաքապետ Վարդան Ղուկասյանի դստեր փեսացուին սպանելու մեջ եւ դատապարտվել 15 տարվա ազատազրկման:

Դատարանը որոշումը դատապարտյալն ընդունեց անվրդով, մինչդեռ նրա մայրը՝ Անահիտ Նիկոլյանը, բարկացավ  եւ  առանց վճիռը մինչեւ վերջ լսելու  դուրս եկավ նիստերի դահլիճից՝ ասելով. «Քանի որ դուք քար եք, պատ եք, քարերի համար էլ կարդացեք: Ճիշտ էին ասում, որ սա պատվեր է: Դուք վարժեցրած կապիկներ եք»:

27-ամյա Հարություն Սարգսյանը վճիռը լսելիս կարծես չզարմացավ, դահլիճից դուրս գալիս էլ դիմեց մորը. «Տո մի մտածի, այ մամ, Աստված իրանց դեմը բերելու ա»:

Նշենք, որ  օգոստոսի 1-ին Վերաքննիչ բողոքի քննությունն անցել էր առանց ամբաստանյալի պաշտպանների, եւ  դատարանը, անհիմն համարելով նիստը հետաձգելու վերաբերյալ դատարանին ուղարկված պաշտպանների դիմումները, որոշել էր քննությունն ավարտված համարել եւ հեռացել էր խորհրդակցական սենյակ՝ վճիռ կայացնելու:

Ավելի վաղ NEWS.am-ը հայտնել էր, որ 2013թ. ապրիլի 12-ին Գյումրիում սպանվել է  այն ժամանակ Գյումրիի քաղաքապետ Վարդան Ղուկասյանի դստեր փեսացուն` 27-ամյա Կարեն Եսայանը, որն ապրիլի 13-ին պետք է նշանվեր քաղաքապետի դստեր հետ: Շիրակի մարզի ընդհանուր իրավասության դատարանը սպանության համար մեղավոր է ճանաչել եւ 15 տարվա ազատազրկման դատապարտել Անիի նախկին ոստիկանապետ Սամվել Սարգսյանի որդուն՝ Հարություն Սարգսյանին։ Ըստ մեղադրական եզրակացության, նա խանդի հողի վրա է կատարել սպանությունը։ Սարգսյանները պնդում են, որ իրենց որդին անմեղ է, իսկ դատավճիռն` անարդարացի: Նրանք առաջին ատյանի դատարանի որոշումը բողոքարկել են Վերաքննիչ դատարանում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեքսիկայում քրեական քրոնիկոնի լրագրող է սպանվել
«Մարգարիտո Մարտինես Էսկվիվելը՝ Տիխուանա նահանգի ոստիկանական քրոնիկոնի թղթակիցը, գնդակահարվել եւ սպանվել է այսօր առավոտյան, երբ դուրս էր գալիս իր տնից...
Գավառում հիվանդանոցի վրա հարձակվելու գործով դատավճիռ է կայացվել. ամբաստանյալները մեղավոր են ճանաչվել
Գավառ քաղաքում կատարված հասարակական անվտանգությունը վտանգված…
ԱՄՆ-ում համերգի ժամանակ հրաձգության հետեւանքով վիրավորվել է վեց մարդ
Միջադեպի պատճառները դեռ չեն նշվում...
ԱՄՆ-ում մահացել է սպանության համար ցմահ բանտարկության դատապարտված միլիոնատեր Ռոբերտ Դյորսթը
Հոկտեմբերին նա դատապարտվել էր ցմահ բանտարկության՝ իր երկար տարիների վստահված անձ Սյուզան Բերմանի դաժան սպանության համար, իսկ կարճ ժամանակ անց մեղադրվեց 1982 թվականին իր կնոջ՝ Քեթլին Դյորսթի սպանության մեջ...
Էջմիածնի 41-ամյա բնակիչը դանակի բազմաթիվ հարվածներ է հասցրել 28-ամյա երիտասարդին. նա ձերբակալվել է
ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում…
Հնդկաստանում հետաքննում են կեղծ կայքի գործունեությունը, որն իբր աճուրդի է հանել մուսուլման կանանց
Կայքն ստեղծվել է GitHub ամերիկյան պլատֆորմում...