Ամերիկյան Կալիֆորնիա նահանգի Բերբանք քաղաքում գնացքը բախվել է ավտոմեքենային: Ըստ «Burbank Leader»-ի, մեքենայի վարորդը, ում անձը չի հաստատվել, ծանր վիճակում տեղափոխվել է հիվանդանոց:
Տեղեկությունների համաձայն՝ վարորդը մեքենայում մենակ է եղել: Իսկ գնացքում շուրջ 130 ուղեւոր է գտնվել: Նրանցից 6-ը բողոքել են մեջքի եւ պարանոցի հատվածում ցավերից ու տեղում բուժօգնություն են ստացել:
Իր ավտոմեքենայով ընթացող Բերբանքի 24-ամյա բնակիչ Լեւոբ Ղարիբյանը կանգնել է ոստիկանական մոտոցիկլի հետեւում, երբ տեսել է, որ գնացքը մոտենում է: Նրա մեքենայի պատուհանի ապակիները փակ են եղել, այդ պատճառով նա խուլ ձայն է լսել, իսկ հետո տեսել է, որ մանր աղբ է թռչում օդում:
Սկզբում կարծել է, որ դա աղբ ու փոշի է: Բայց երբ մետաղական կտորտանք է նկատել, ինչպես նաեւ «ծամոնի ճմրթված տուփի» նմանվող ավտոմեքենա, հասկացել է, որ բախում է տեղի ունեցել:
