Գիտնականները հայտարարել են հարավային Պատագոնիայում լավ պահպանված դինոզավարի մնացորդների հայտնաբերման մասին, որը 65 տոննա քաշ ուներ, 26 մետր երկարություն, 11.3 մետր երկարությամբ վիզ եւ 8.7 մետր երկարությամբ պոչ:
Ինչպես հաղորդում է «Reuters» գործակալությունը, «մեծ» բառը չի համապատասխանում այս երկարավիզ դինոզավրի նկարագրության համար, որին գիտնականները «Dreadnoughtus schrani» են անվանել եւ որը բնակվել է Արգենտինայում մոտ 77 մլն տարի առաջ:
«Dreadnoughtus» դինոզավրն ավելի մեծ քաշ ուներ, քան հասուն կաշալոտը կամ աֆրիկյան փղերի խումբը: Այն տիրոնազավրից յոթ անգամ ավելի մեծ քաշ ուներ, որը նրա համեմատ շատ փոքր էր: Թեեւ «Dreadnoughtus»-ը բուսակեր էր, այն ուժեղ էր:
Նշենք, որ մեկ այլ հսկա դինոզավրը՝ « Argentinosaurus »-ը, որը հայտնաբերել են գիտնականներն Արգենտինայում մայիսին, հնարավոր է, ավելի մեծ էր, սակայն նրա մնացորդենրը թույլ չեն տալիս գնահատել քաշը: Գնահատականների համաձայն՝ խոշորագույն դինոզավրն ուներ ավելի քան 82 հազար կգ քաշ:
