Ավստրիայի արտաքին գործերի նախարար Սեբաստիան Կուրցի գլխավորած պատվիրակությունն այսօր՝ սեպտեմբերի 8-ին, առավոտյան այցելել է Հայոց ցեղասպանության զոհերի Ծիծեռնակաբերդի հուշահամալիր, որտեղ հարգանքի տուրք է մատուցել ցեղասպանության զոհերին (ֆոտոռեպորտաժ):

Այսօր ժամը ժամը 14:30-ին, Հայաստանում պաշտոնական այցով գտնվող Ավստրիայի արտաքին գործերի նախարար Սեբաստիան Կուրցի գլխավորած պատվիրակությունը կայցելի Հայկական Կարմիր խաչի ընկերություն (Գլխավոր գրասենյակ, Երևան, Պարոնյան 21/1), որի կազմում են Ավստրիայի արտգործնախարարության պաշտոնյաներ, Ավստրիայի զարգացման գործակալության գլխավոր տնօրեն Մարտին Լեդոլտերը, Ավստրիայի Զարգացման Համագործակցության գործառնությունների բաժնի  և ավստրիական ԶԼՄ-ների ներկայացուցիչներ:

Այցի նպատակն է տեղում ծանոթանալ Հայկական Կարմիր խաչի ընկերության կողմից` Ավստրիական զարգացման գործակալության և Ավստրիական Կարմիր խաչի օժանդակությամբ իրականացվող սիրիահայերի աջակցությանն ուղղված ծրագրային գործունեությանը, մոտեցումներին և արդյունքներին:

Լուսանկարը՝  Արսեն  Սարգսյանի/NEWS.am