News
Լրահոս
News
Չորեքշաբթի
Հոկտեմբեր 20
Տեսնել լրահոսը

Գորիսի քաղաքապետ Վաչագան Ադունցը գյուղական համայնքների հետ համատեղ ստորագրահավաք են անցկացրել եւ Սուրեն Խաչատրյանի Սյունիքի մարզպետի պաշտոնին վերադառնալու հարցով դիմել վարչապետին եւ նախագահին: Այս մասին NEWS.am-ի թղթակցի հետ զրույցում ասաց Վաչագան Ադունցը:

Նա տեղեկացրեց, որ համայնքապետերով նախաձեռնել են ստորագրահավաք, բայց տեղյակ չէ դպրոցների տնօրենները, մանկավարժները մասնակցել են, թե ոչ: «Դա մեր սրտի ցանկությունն է եւ մեր նախաձեռնություն եւ ոչ միայն մերը, համոզված եղիր, որ բնակչության լուրջ մեծամասնությունը, եթե ոչ բոլորը ցանկանում են, որ նա վերադառնա, դա մեր իրավունքն է եւ մեր իրավասությունների շրջանակում»,-ասաց նա:

Հարցին,թե ինչի եք ուզում, որ նախկին մարզպետը վերադառնա, քաղաքպետը պատասխանեց, որ նա շատ լավ մարդ է:, գիտի Սյունիքի բնակչությանը, նրա հոգսերը, նպատակները: Դիտարկմանը, թե ինչպես եք Բուդաղյանների դեպքից հետո նման ստորագրահավաք նախաձեռնել, նա նշեց, որ դա անձնական դեպք է, պետք չի անընդհատ դրա մասին վերհիշել:

Նշենք, որ «Ժամանակ» թերթը գրել էր, որ որոշ տեղեկություններով՝ նախօրեին կայացած ՀՀԿ ԳՄ նիստի ժամանակ Սերժ Սարգսյանը նիստին ներկա Սուրիկ Խաչատրյանին հանձնարարել է ստորագրահավաք անցկացնել Սյունիքի մարզում: Եթե հավաքի անհրաժեշտ քանակությամբ ստորագրություն եւ ցույց տա, որ ինքը դեռ ընդունված է մարզում, կստանա բաղձալի նշանակման հրամանը:

Որոշ տեղեկություններով՝ Սուրիկ Խաչատրյանն արդեն իսկ լծվել է այդ գործին եւ իր մտերիմներին ու շրջապատին եւս լծել է հավաքելու անհրաժեշտ ստորագրությունները:

Սակայն սյունեցիների խոսքով՝ Լիսկայի մարդիկ ստորագրահավաքն անցկացնում են իրենց շրջապատում: «Նրանք վախենում են հրապարակային դուրս գան եւ ժողովրդից ստորագրություն հավաքեն, քանի որ շատ լավ գիտեն, թե սյունեցիները ոնց են զզվում այդ մարդուց»,- «Ժամանակին» ասացին նրանք:

Տպել
Ամենաշատ