News
Լրահոս
News
Երեքշաբթի
Փետրվար 07
USD
395.53
EUR
393.43
RUB
6.42
Տեսնել լրահոսը

Այն, որ տոնավաճառների առեւտրականները դուրս են եկել փողոց եւ բողոքի ակցիաներ են իրականացնում, մեղավոր են լրագրողներն ու ընդդիմությունը: Այս մասին, այսօր՝ սեպտեմբերի 29-ին, ԱԺ-ում լրագրողների հետ զրույցում ասաց ՀՀԿ խմբակցության պատգամավոր, «Հրազդան» տոնավաճառի սեփականատեր Աշոտ Աղաբաբյանը (Բուռնաշ):

Նրա խոսքով՝ մարդկանց դժգոհությունը լսվել է եւ քայլեր են ձեռնարկվում այդ խնդիրները լուծելու համար: «Մարդկանց բողոքը լսվել է, մենք գիտենք էդ բողոքն ինչի մասին է եւ փորձում ենք լուծել: Իսկ դուք ժամանակից շուտ ինչի՞ եք ուզում գրգռեք, մարդուն հանեք ոտի, չգիտեմ ինչ անեք: Այսինքն՝ դուք ժուռնալիստներով էնքան խելոք եք, իրանց կողմից եք, մենք էլ դեմ ենք հա՞ էդ ամեն ինչին»,- լրագրողների հարցին, թե ինչպես է վերաբերվում առեւտրականների բողոքին, այսպես պատասխանեց ՀՀԿ-ական գործարար պատգամավորը:

Դիտարկմանը, որ ժողովուրդն առանց լրագրողների գրելու էլ ոտքի է կանգնել, նա պատասխանեց. «Առանց այն էլ ոտքի է ելել, որովհետեւ սխալ ճանապարհ ա գնում: Մենք իրանց բացատրում ենք, որ չի կարելի ընկնել ընդդիմության խելքի հետեւից: Ընդդիմությունն էսօր ուզենա, ամբողջ ժողովրդին կհանի ոտի, ինչ ա ինքը նորից գա իշխանության, նորից թալանի ու վերջ»:

Հարցին, թե մարդիկ բարձր հարկերից են բողոքում, ի՞նչ կապ ունի ընդդիմությունը, Աշոտ Աղաբաբյանն արձագանքեց. «Ընդդիմությունն է փողոց հանում մարդկանց, որը չի կարելի: Հանգիստ պըտի նստեն իրանց տեղը, մինչեւ էս խնդրի լուծումը տան»:

Այն դիտարկմանը, որ կառավարությունը հիմնավորում է, թե սրանով փորձում է խոշորների դեմ պայաքարել, Աղաբաբյանը պատասխանեց.  «Խոշորները թուղթ չունեն, պտի պատժվեն»: Հարցին, թե կառավարությունը խոշորների տեղը չգիտի՞, նա պատասխանեց. «Շատ էլ լավ գիտի, թող գտնի պատժի»:

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ