Առաջիկայում լինելու է Եվրասիական տնտեսական հայ-ռուսական միություն: Այսօր` հոկտեմբերի 7-ին, լրագրողների հետ զրույցում այսպիսի կարծիք հայտնեց ազգագրագետ, «Նախախորհրդարանի» անդամ Հրանուշ Խառատյանը:
«Կարծում եմ, որ Ղազախստանն ու Բելառուսը շուտով դուրս են գալու ԵՏՄ-ից եւ մնալու են միայն Հայաստանն ու Ռուսաստանը: Մեր որոշում ընդունողները չեն հասկանում, որ պատմությունն է կրկնվում եւ ԽՍՀՄ-ն է վերադառնում, իսկ դա լուրջ վտանգ է Հայաստանին»,- ասաց ազգագրագետը:
Հրանուշ Խառատյանի խոսքով` այս միության հետ կապված շահարկվում է նաեւ Թուրքիայի անունը, որը պատահական չէ: Ազգագրագետը համոզված է, որ թեեւ Թուրքիան երբեք չի անդամակցի ԵՏՄ-ին, սակայն Թուրքիայի գործոնն ամեն դեպքում կա. «Սա թուրքա-սլավոնական միություն է»:
Նշենք, որ նախատեսվում է, որ հոկտեմբերի 10-ին Մինսկում Հայաստանը կստորագրի ԵՏՄ-ին անդամակցելու պայմանագիրը: